IT'S an owercome sooth for age and youth
And it brooks wi' nae denial,
That the dearest friends are the auldest friends
And the young are just on trial.
There's a rival bauld wi' young an' auld
And it's him that hath bereft me;
For the surest friends are the auldest friends,
And the maist o' mine hae left me.
There are kind hearts still, for friends to fill
And fools to take and break them;
But the nearest friends are the auldest friends
And the grave's the place to seek them.
Robert Louis Stevenson.
No comments:
Post a Comment